အိုးဝေ (အစမ်း): နှုတ်ဆက်ချိန်

ဝါကျင့်ကျင့်အရွက်လေးတွေ
ညှာတံထက်ဆီတွဲခိုရင်း
သံယောဇဉ်မပြတ်နိုင်သေး
မြဲနိုင်သလောက်မြဲထားတယ်။

လေပြေတစ်ချက်အဝေ့မှာ
ညှာတံရွက်ကျောမျှင်လေးတွေပြတ်တောက်
သွေးတစ်ပေါက်ပေါက်ကျနိုင်မှန်းသိရက်
မခွဲနိုင်သေးတဲ့ဒီအနှောင်တွေက
ရွက်ဝါတွေမြေမှာခဖို့ကို
စိုးရွံ့နေမိကြတယ်လေ။

ဟူး……..
ရက်စက်လိုက်တာ လေပြေကြမ်းရယ်
ဆောင်းကုန်ကစခဲ့တဲ့
ရော်ရွက်ဝါနဲ့ ညှာတံလေးတို့ရဲ့ချစ်ခြင်း
မင်းမသိလေရော့သလား….
တကယ်ပဲ မင်းမသိလေရော့သလားကွာ။

ဖလပ်…ဖလပ်…
ကြွေသွားပြီ…
တကယ်ကြွေလွင့်သွားပြီ
ကြည့်စမ်းပါဦး၊ ကြည့်ကြစမ်းပါဦးဗျာ
မြေပြင်ထက်မှာ
ပက်လက်တစ်မျိုး၊ မှောက်ခုံတစ်ဖုံနဲ့
မြေခကြွေကျရတဲ့ ရွက်ဝါလေးတို့ရဲ့ဘဝ
ဆိုးရွားလှပါလားနော်။

အဝါရောင်အမှိုက်သိမ်းကားကြီးရဲ့
ကြမ်းရှရှလက်တံကြီးတွေက
ဝိညာဉ်မဲ့ ရော်ရွက်ဝါတွေကို
သိမ်းဆည်းသဂြိုင်္လ်လိုက်ကြပြီ။

နောက်ဘဝ…
ဟုတ်တယ် မြေဆီလွှာအဖြစ်နဲ့နောက်ဘဝမှာတော့
ရိုးတံလေးအသက်ဆက်ဖို့
ငါတို့သွေးသားတွေနဲ့ထပ်လောင်းပေါင်းသင်နေဦးမှာပါ။