အိုးဝေ (အစမ်း): Nika (4)

ကျနော် အရင်နှစ်တုန်းက ဗစ်တာ ပျယ်လယ်ဗင်ရဲ့ "နီကာ"ကို အပိုင်း(၃)ထိ ဘာသာပြန်ခဲ့တယ်။ ပျယ်လယ်ဗင်က အခုခေတ်ရုရှားစာရေးဆရာပါ။ အပိုင်း(၃)မှာ မပြီးသေးပေမယ့် ဆက်ပြီးဘာသာပြန်ဖို့ ဘယ်သူကမှလည်း မတောင်းဆိုဘူး။ အင်း ဖတ်လို့ မကောင်းလို့ပဲ ဖြစ်ရမယ်လို့ စိတ်မှာထားပါတယ်။ အရင်ကတည်းကလည်း ဒီအပုဒ်တော့ ဘာသာပြီးအောင် ပြန်မယ်ဆိုပြီး စိတ်မှာထားခဲ့လို့ ပြီးအောင်တော့ ပြန်မှာပါ။ ကြားထဲလည်း ကြာရင်ကြာနေမှာပေါ့။ ကဲ အခုမှ ဖတ်မယ်သူတွေလည်း အဆင်ပြေအောင် အရင်လင့်တွေပါ စုထည့်လိုက်မယ်။

နီကာ(၁)

နီကာ(၂)

နီကာ(၃)

နီကာ(၄)

နေ့တိုင်းကျနော်တို့ နီးနီးကပ်ကပ်နေခဲ့တာပါပဲ၊ အခုတော့လည်း သူနဲ့ကျနော် ဘယ်သောအခါမှ ရင်းနှီးတဲ့အဆင့်ကို ရောက်တော့မယ် မဟုတ်ဘူးဆိုတာ ကျနော်နားလည်နိုင်လောက်အောင် သည်းခံနိုင်စွမ်းလည်း ရှိခဲ့ပါပြီ။ သူမကတော့ အဲဒီအချိန်မှာကိုပဲ ဘာသံသယမှလည်း ရှိပုံမပေါ်ပါဘူး၊ သူမက ကြောင်မွှေးပျော့စိစိခန္ဓာကိုယ်ကြီးကို ကျနော့်ကို လာပြီး တိုးနေရင် ကျနော်က နေရာကနေ တခြားနေရာကို ထထွက်သွားပြီးနေတာ သူမရှိနေပါ့လားဆိုတာတောင် လုံးဝမေ့ပြီးတော့ နေတတ်တယ်။ တကယ်တမ်းကျတော့လည်း သူမက အရှက်တရားလည်းမရှိပါဘူး၊ သူမလိုအပ်ချက်တွေက ခန္ဓာကိုယ်ကတောင်းဆိုလို့ ဆိုတာမျိုးက များတယ်၊ ဗိုက်ဖြည့်မယ်၊ ပြီး အိပ်မယ်၊ အစားကောင်းကောင်းတွေကို လုံလုံလောက်လောက်ရဖို့ရယ်ပါပဲ။ သူမ တီဗွီရှေ့မှာ နာရီပေါင်းများစွာရှိနေတတ်တယ်၊ တီဗွီစကရင်ကို ကြည့်မနေတာက များတယ်၊ များသောအားဖြင့်ကတော့ အစားစားနေတာများပါတယ်၊ စကားမစပ် အဆီများတဲ့အစာကို သူမပိုကြိုက်တယ်၊ အိပ်တာဆိုတာကလည်း အတော်ကြိုက်တာကိုး၊ သူမကို စာအုပ်နဲ့များ တခါမှ မတွေ့ဖူးဘူး။ ဒါပေမယ့် သဘာဝအတိုင်းတင့်တယ်နေမှု၊ ငယ်ရွယ်ပျိုမြစ်မှုတို့က သူမရဲ့သွင်ပြင်ကို ဒြပ်မရှိတဲ့ စိတ်ရဲ့လှပမှုတွေနဲ့ ဖော်ကြူးနေသလိုလိုပါပဲ။ သူမရဲ့ တိရိစ္ဆာန်ဆန်ဆန်ဖြစ်တည်မှုကို စဉ်းစားမည်ဆိုရင်ကျတော့ အဆင့်အတန်းမြင့်မှုရဲ့ ရောင်ပြန်ဟပ်မှုလိုလို၊ သဘာဝအတိုင်း အသက်ရှုတာတွေကရော ဘာအတွက် မျှော်လင့်ချက်ကင်းမဲ့စွာ အနုအလှကို ရှာဖွေနေပါလိမ့်။ သူမက ရိုးရှင်းစွာလှတာရယ်၊ သူမရဲ့ ရိုစင်းလှတဲ့ ကံကြမ္မာကို ကျနော် စပြီး တွေးမိပုံရတယ်၊ ပြီးတော့ကျနော့် ကိုယ်ပိုင်ဘဝကရော ဘာတွေပေါ် အခြေခံနေပါလိမ့်၊ ရိုးရိုးလေးနဲ့ အခြားအရာတွေရော ထပ်တွေးနေမိတော့တယ်။ တပြိုင်တည်းပဲ သူကရော ကျနော့်အကြောင်းတွေ စဉ်းစားနေရဲ့လား သိချင်လာတယ်၊ သူမဆီက အဖြေကို မျှော်လင့်ရင်တော့ အလဟသပါပဲ၊ ဒိုင်ယာရီကိုတော့ ခိုးပြီးတိတ်တိတ်လေး ဖတ်လို့ရတာပေါ့၊ ဒါပေမယ့် သူမက မရေးပါဘူး။

သူမရဲ့ ကမ္ဘာကို စိတ်ဝင်စားနေမိပြီဆိုတာ ရုတ်တရက် ကျနော်သိလိုက်တယ်။ သူမက ပြတင်းပေါက်နားမှာ အကြာကြီးထိုင်ပြီး အောက်ဖက်ကို ကြည့်နေတတ်တယ်၊ တနေ့တော့ ကျနော်က သူမနောက်ကျောဖက်ရောက်သွားပြီး ခေါင်းလေးကို သာသာလေးကိုင်လိုက်တော့ သူမ ရုတ်တရက်တုန်သွားတယ်၊ ဒါပေမယ့် လက်ကို ဖယ်ချမပစ်လိုက်ပါဘူး။ သူမဘာတွေကို ကြည့်နေလဲဆိုတာကို လိုက်ခန့်မှန်းတယ်၊ သူမမြင်နေတဲ့အရာတွေက သူမအတွက် ဘာတွေများ ဖြစ်နေမလဲဆိုတာ တွေးကြည့်တယ်။

ကျနော်တို့မြင်နေရတာက မော်စကိုရဲ့ အိမ်ဝိုင်းတွေ ထုံးစံအတိုင်းဖြစ်ပါတယ်၊ ဘောင်ခတ်ထားတဲ့ သဲပုံပေါ်မှာ သဲတူးနေတဲ့ကလေးတွေ ရှိတယ်၊ ပြီးတော့ ဘားတိုင်၊ သူ့အပေါ်မှာ ကော်ဇောရှိနေတတ်တယ်၊ ပြီး ကလေးတွေအတွက် သစ်သားအိမ်ကလေး၊ အမှိုက်ပုံး၊ ကျီးကန်းတွေနဲ့ လမ်းမီးတိုင်။

ဘုရားရေ ကျနော် နီကာကို ပွေ့ဖတ်ပြီး စဉ်းစားတယ်၊ ဥပမာအနေနဲ့ ကစားစရာသဲပုံလေးဆို ကျနော် ဘာပြောနိုင်မလဲ၊ အမှိုက်ပုံတွေ၊ မီးတိုင်တွေအကြောင်းရော။ အဲဒါတွေအားလုံးက ကျနော့်ရဲ့ ကမ္ဘာလေ၊ ဒီအရာတွေကို ကျနော်ငြီးငွေ့ပေမယ့် ဒီအရာတွေကနေ ကျနော် ဘယ်မှ ပျောက်ကွယ်သွားမှာ မဟုတ်ပါဘူး။ ကဲ အဲဒီတော့ရော သူမစိတ်ထဲမှာကျ ဘယ်လိုရှိနေမှာလဲ။